PR251424

Twissija Nazzjonali għas-Sigurtà tal-Pazjent: Irtirar Prekawzjonali ta’ Klassi I ta' Ozempic® Numru tal-Lott - PP5N682::RN287 – Malta

Id-Detentur tal-Awtorizzazzjoni għat-Tqegħid fis-Suq, Novo Nordisk® avża lill-Awtorità Maltija dwar il-Mediċini li pakkett wieħed (1) ta' Ozempic® 1mg injezzjoni mimlija f'pinna bin-numru tal-lott PP5N682::RN287 huwa suspettat li possibbilment huwa falz.

Bħala miżura ta' prekawzjoni bbażata fuq ir-rapport ta' Novo Nordisk®, qed isir irtirar fil-livell tal-pazjent tal-Ozempic® 1mg injezzjoni mimlija f'pinna bin-numru tal-lott u d-data ta' skadenza preżentati hawn taħt. Dan l-irtirar japplika għal dan il-lott biss.

Numru tal-Lott PP5N682::RN287

Data ta' Skadenza 02/2027

Jekk għandek fil-pussess tiegħek Ozempic® 1mg injezzjoni mimlija f'pinna li tappartjeni għal dan il-lott (irreferi għar-ritratt mehmuż):

i. Waqqaf l-użu tal-prodott affettwat

ii. Ikkuntattja l-ispiżerija tiegħek biex tivverifika l-lott tal-mediċina

iii. Irritorna l-pakkett affettwat lill-ispiżerija minn fejn xtrajt il-mediċina

iv. Kellem lill-ispiżjar jew lit-tabib tiegħek għal parir kif tkompli l-kura tiegħek

Is-Supretendent tas-Saħħa Pubblika bħala l-Awtorità tal-Liċenzjar bl-għajnuna tal-Awtorità Maltija dwar il-Mediċini qed jaħdmu b'mod attiv mal-partijiet interessati biex jissalvagwardja kwalunkwe riskju possibbli għas-saħħa pubblika.

Jekk għandek xi mistoqsijiet, kellem lill-ispiżjar jew lit-tabib tiegħek.

Ritratti tal-pakkett minn barra tal-lott ta’ Ozempic® 1mg injezzjoni mimlija f'pinna li qed tiġi rtirata.